Atendendo ás recomendacións da Xunta de Galicia con respecto ás medidas sanitarias de loita contra a Covid19, o Concello de Touro decide suspender a celebración da ‘Feira do día 5’, que estaba prevista para o venres, 5 de febreiro de 2021.

O Concello de Touro pretende, ante todo, preservar a saúde dos veciños e veciñas.

Os protocolos sanitarios, entre os que está o peche perimetral dos concellos e a limitación de encontros entre persoas non conviventes, dificultan o desenvolvemento normal da feira mensual, que todos os días 5 de cada mes celébrase nas rúas de Fonte Díaz.

O Concello de Touro confía en que pronto se poida recuperar esta actividade fundamental para as compras de veciños e veciñas así como para os produtores locais.

O Concello de Touro reitera o chamamento á responsabilidade individual dos veciños e veciñas para seguir reducindo o número de contaxios da Covid19 no noso Concello.

Unha vez máis, moitas gracias pola colaboración de todos os habitantes do noso municipio.

O esforzo conxunto de todos conseguirá vencer á Covid19.

Coidádevos e coidade das persoas que están ao voso arredor.