A Mesa de Contratación, en data 30 de outubro de 2017, adoptou o acordo seguinte:

"I.- APERTURA PROPOSICÓNS, VALORACIÓN E PROPOSTA DE ADXUDICACIÓN DA “SUBMINISTRACIÓN DUN TRACTOR E DÚAS DESBROZADORAS".

                 Habéndose publicado no  Boletín Oficial da Provincia nº 196, do 16 do outubro, e no Perfil do Contratante, o anuncio de licitación da “Subministración dun tractor e dúas desbrozadoras”, financiada con cargo ao convenio de colaboración subscrito coa Consellería do Medio rural para a limpeza de maleza das infraestruturas rurais de titularidade municipal, masas comuns e as redes secundarias de faixas de xestión de biomasa, presentaron proposicións as empresas seguintes: Liste Maquinaria Agrícola, Ramón Varela Quintela, Hermanos Toimil García SL, Hermanos Villar SL, Fariña Maquinaria SL e Comercial Veiras SA.

                  Procédese a cualificación previa dos documentos presentados en tempo e forma, abrindo en primeiro lugar os sobres “A” que conteñen a documentación.

                  O Secretario certifica a relación de documentos que figuran nos sobres e seguidamente a Mesa declara admitidas todas as proposicións presentadas.

                  A continuación ábrense os sobres “B” (Oferta económica e referencias valorables automaticamente), dando lectura ás ofertas realizadas co resultado seguinte:

                  a) Marcas e modelos ofertados:

                 b) Oferta aos criterios de adxudicación:

                Á vista do informe emitido polo técnico asesor da Mesa, D. Pablo Rojo Losada, a Mesa de Contratación acorda:

                Primeiro.- Non admitir a proposición presentada por Liste Maquinaria Agrícola, por non cumprir o prego de prescricións técnicas (Oferta menos de 95 l/min de caudal, mínimo esixido para o circuíto hidráulico, e un só ano de garantía, en vez dos dous esixidos).

               Segundo.- Non valorar a proposición presentada por Ramón Varela Quintela, por presentar a ficha descritiva da oferta (Anexo III) incompleta, entre outras cuestións non se específica a marca do tractor e das desbrozadoras a adquirir.

               Terceiro.- Aprobar as valoracións das proposicións presentadas polos demais licitadores, co resultado seguinte:

                 Cuarto.- Á vista das puntuacións obtidas, a Mesa de Contratación acorda clasificar as proposicións presentadas por orde decrecente en función da puntuación total obtida, co seguinte resultado:

               - Hermanos Villar SL................................................................................................ 27,90 puntos

                     - Hermanos Toimil García SL.................................................................................... 22,01 “

                     - Fariña Maquinaria SL............................................................................................. 17,00 “

                     - Comercial Veiras SA................................................................................................ 9,00 “

                 Quinto.- Propoñer a adxudicación da “Subministración dun tractor e dúas desbrozadoras” á empresa Hermanos Villar SL, por resultar a oferta máis vantaxosa para o Concello, cos seguintes datos de adxudicación:

                 - Marca e modelo:

                    - Tractor: Claas Arion 460 STD con cabrestante.

                             - Desbrozadora de brazo: Orsi Acrobat 509 Visual.

                             - Desbrozadora de arrastre: Orsi Competition 165.

                  - Prezo sen IVE................................................................................................. 86.879,00 €

                  - IVE (21%)....................................................................................................... 18.244,59 €

                  - Prezo co IVE................................................................................................ 105.123,59 €

                 - Prazo de entrega.................................................................................................... 8 días

                 Sexto.- Notificar o presente acordo á empresa proposta, conforme ao artigo 151.2 do Real Decreto Lexislativo 3/2011, de 14 de novembro, polo que se aproba o texto refundido da Lei de contratos do sector público, para que no prazo de cinco días hábiles, contados desde aquel en que reciba a notificación do presente acordo, presente a documentación esixida na cláusula 15 do prego de cláusulas administrativas particulares."