Os 'xenerais da Ulla' de Fao teñen unha cita mañán, martes de entroido no Campo da Festa de Fao

O Centro de Interpretación do Río Ulla, ubicado em Fonte Díaz, acolle ata o 22 de febreiro a exposición fotográfica itinerante 'Xenerais da Ulla'

Fonte Díaz. 12/02/2017. Mañán, martes de entroido, día 13 de febreiro, é o turno da parroquia de Fao. Alí celébrase o Entroido de Fao unha das citas do entroido no Concello de Touro que ten como protagonistas aos ‘xenerais da Ulla’, que lembran a batalla entre o xeneral amotinado Solís e o xeneral que capitaneaba as forzas leais á raiña Isabel II. Comenzará ás 16.00 horas no Campo da Festa de Fao coa Rumba da Susita. Contará a continuación co  discurso do ‘correo’ e dos ‘xenerais da Ulla’. Estos dous protagonistas abordarán en coplas a viva voz temas de actualidade política e do momento. Os ‘xenerais’ replicaránse e contrarreplicaránse ante os veciños e forasteiros que acudan ata o campo da festa de Fao. Tamén participará a ‘vellada coa súa troulada’. E non faltarán os ‘consellos dos frades’, que predicarán en verso as anécdotas acontecidas na parroquia de Fao. Tamén está previsto o tradicional enterro do entroido de Fao. E outras trangalladas.

O Concello de Touro organizou durante os mércores dende xaneiro obradoiros para que os veciños e veciñas poideran prerarar os seus disfraces. (Fotografía adxunta). Os asistentes fixeron os seus traxes cos que participaron nas diferentes citas que ofreceu o entroido no Concello de Touro: Bama, domingo día 4 de febreiro; Fonte Díaz, desfile da Feira de Entroido o 5 de febreiro; e en Fao mañán, marte de entroido.

Pola súa banda, o Centro de Interpretación do Río Ulla (CIRU), ubicado na Rúa Castelao de Fonte Díaz (Concello de Touro) acolle dende o pasado venres e ata o próximo día 20 de febreiro a exposición fotográfica itinerante 'Xenerais da Ulla'. Pódese visitar os martes, mércores e xoves de 09.00 a 14.00 horas; os venres de 09.00 a 14.00 horas e de 17.00 a 19.00 horas; e os sábados, de 11.00 a 14.00 horas. A exposición mostra un dos entroidos tradicionais de Galicia que é Festa Declarada de Interese Turístico de Galicia. Sete concellos viven estes días com intensidade esta festa: A Estrada, Boqueixón, Santiago de Compostela, Silleda, Teo, Touro, Vedra e Vila de Cruces.