Obradoiro de entroido en Touro para preparar os disfraces do desfile do día 5 de febreiro

Fonte Díaz. 19 de xaneiro de 2018. O Concello de Touro organiza un Obradoiro de Entroido para confeccionar e preparar os traxes e disfraces que se lucirán no desfile da Feira do Entroido, que será o día 5 de febreiro nas rúas de Fonte Díaz e que concide coa tradicional feira mensual que se celebra os días 5 de cada mes. “Todos os veciños e veciñas que queiran participar no desfile do día 5 na feira do entroido, están convidados a participar neste obradoiro”, anima o Concello de Touro. O obradoiro terá lugar o próximo mércores día 24 de xaneiro a partir das 16.30 horas na Casa de Cultura. Para máis información, no departamento de Cultura do Concello ou no teléfono 981.814.566.

 

A fotografía corresponde ao desfile do entroido do ano pasado en Fonte Díaz.