O Concello de Touro pon a punto as instalacións do Colexio Fonte Díaz ante o inicio do curso escolar 2016-2017

Fonte Díaz. 07/09/2016. O Concello de Touro pon a punto as instalacións do CPI Fonte Díaz ante o inicio o próximo luns, día 12 de setembro, do curso escolar 2016-2017. As principais obras consistiron en dotar á maior parte do exterior do edificio principal do CPI Fonte Díaz dun novo sistema de aillamento. As obras desenvolvéronse durante agosto e ata o 10 de septembro. O próximo luns estarán retirados os andamios e todo listo para que os rapaces e rapazas de Touro poidan iniciar o curso con total normalidade. A empresa encargada de facer as labores de aillamento foi Redesyl, quen tratou o exterior con novo sistema que evita humidades, condensación e tamén ailla do frío e da calor. Durante estas últimas semanas, aproveitando o periodo vacacional, tamén foi pintado o interior do edificio do Colexio que acolle aos máis pequenos. O Concello de Touro, que preside Ignacio Codesido, preocúpase para que cada ano estén a punto as instalacións educativas do Concello. “Este ano investimos nun novo sistema de aillamento para o exterior do edificio”, explica o alcalde, quen lembra que cada ano vanse arranxando diferentes partes do Colexio como os tellados, o pavillón…. “Tratamos de que os nenos e nenas de Touro teñan todo listo para iniciar o curso como se merecen e que nunhas instalación axeitadas poidan desenvolver todo o seu talento”.