I CERTAME LITERARIO DO OUTONO NAS MODALIDADES DE NARRATIVA E POESÍA
BASES
Participantes e Modalidades
Poderán participar no concurso os xóvenes de 10 a 20 anos. Admitíndose unha soa obra por categoría e autor. As modalidades serán narrativa e poesía.
Ø Modalidade Narrativa.
- Categoría A, de 10 a 14 anos.
- Categoría B, de 15 a 20 anos.
Ø Modalidade Poesía.
- Categoría A, de 10 a 14 anos.
- Categoría B, de 15 a 20 anos.
Tema
“O Magosto e as Ouriceiras en Touro”
Requisitos das obras
Os relatos terán unha extensión máxima de vinte folios sen mínimo. As obras de poesía terán unha extensión máxima de 100 versos. Presentaranse escritos a ordenador e a dobre espazo. Deberán ser orixinais, inéditos, non premiados en calquera outro tipo de concurso e estar escritos en galego.
Presentación das obras
O prazo de entrega dos relatos e da obra poética rematará o día 15 de novembro de 2014. As obras entregaranse por duplicado, sen sinatura, cun lema e sinalando a modalidade e categoría na que se participa, no concello ou no seguinte enderezo
Concello de Touro
I Certame Literario de Outono nas modalidades de Narrativa e Poesía
Fonte Díaz s/n
15822 Touro
A Coruña
En sobre pechado constará o lema que distinga o traballo, e no interior o nome e apelidos do autor/a, domicilio, teléfono, poboación, curso e categoría. Tamén deberán ir presentadas as obras en arquivo PDF e Word.
Premios
Establécese un premio de un lote de libros valorado en 100 € ou un ebook para a obra que resulte seleccionada polo Xurado dentro do apartado de poesía e outro lote de libros valorado en 100 € ou un ebook para a obra que resulte seleccionada polo Xurado dentro do apartado de narrativa. Un premio por cada Categoría.
Os autores premiados convócanse o acto de entrega de premios o día 22 de novembro, na inauguración da Casa da Cultura.
Fallo do Xurado
O xurado estará composto polo Concelleiro de Cultura e dous mestres de educación primaria e secundaria
O xurado designado polo Concello de Touro emitirá o 17 de novembro e farase público na páxina web do concello. O fallo será inapelable, podendo quedar algún premio deserto se o xurado así o estima pola baixa calidade das obras
Difusión e propiedade das obras
O Concello de Touro resérvase en exclusiva, o dereito de edición das obras premiadas durante o prazo máximo de doce meses, contados dende o momento do fallo. As obras non premiadas, non serán devoltas, sendo destruídas despois da proclamación de gañadores do I Certame Literario do Outono
As obras premiadas poderán ser publicadas na páxina web do Concello de Touro e este poderá facer uso delas co obxecto de fomentar o gusto pola lectura.
A participación neste certame implica o coñecemento e a total aceptación das presentes bases.